Nga Gladiola Jorbus
Muret i ngjyej me aromën tënde.
Gishtërinjtë luajnë me tisin e një ëndrre.
Qindra lutje jehojnë në zemrën time
si stasimat antike të një korifeu.
Trishtimi mjegullohet mbi nënkresat e ftohta,
kur hëna shndrin si një pikëz loti.
Malli derdhet si një shi meteorësh.
Dhe ringjall krateret e një vullkani të shuar.
Asnjë mister nën këtë diell.
Në fund të fundit…
Gjithçka është e shkruar.
