Papa Françesku ka dënuar “urinë njerëzore për pasuri dhe pushtet” në meshën e Krishtlindjeve në Vatikan, duke iu referuar me sa duket luftës në Ukrainë dhe konflikteve të tjera.
“Krishtlindjet nuk festohen pa të varfërit. Por njerëzimi, i pangopur për para, pushtet dhe kënaqësi, nuk u lë vend të varfërve. “Sa luftëra kemi parë!” tha ai, duke shtuar se viktimat kryesore ishin “të dobëtit dhe të pambrojturit”.
“Mendoj mbi të gjitha për fëmijët që kanë vdekur në luftë, për varfërinë dhe padrejtësinë”, shtoi Papa. “Kam një ftesë për të parë jetën, politikën dhe historinë me sytë e fëmijëve”, tha ai në predikimin e tij në prag të Krishtlindjes.
Papa Françesku mbërriti në bazilikë me një karrocë me rrota dhe gjatë festës shfaqej paksa i lodhur, herë pas here me zë të ngjirur.
Shtatë mijë besimtarë ishin mbledhur në bazilikë dhe tre mijë të tjerë ishin grumbulluar për të ndjekur meshën nga sheshi i Shën Pjetrit në ekranet gjigante.
