Home KRYESORE Ndryshime në Policinë e Shtetit, Rrumbullaku cakton drejtorë të rinj në disa...

Ndryshime në Policinë e Shtetit, Rrumbullaku cakton drejtorë të rinj në disa qarqe

Pak ditë para se të mbushet afati 100 ditor që kryeministri Edi Rama i vuri, drejtori i përgjithshëm i policisë Muhamet Rrumbullaku ka firmosur ndryshime në rang drejtorish vendore.

Tonin Vocaj, aktualisht zëvendës drejtor i Përgjithshëm, emërohet drejtor i Policisë Tiranë, duke zëvendësuar Lorenc Paganikën, i cili shkon në Akademinë e Policisë.

Ermal Muca emërohet drejtor i Policisë në Vlorë.

Niko Brahimaj emërohet drejtor i Policisë në Fier.

Ervin Hodaj emërohet drejtor i Policisë Shkodër.

Muhamet Rrumbullaku u emërua Drejtori i i Përgjithshëm i Policisë së Shtetit në muajin shtator, pas shkarkimit të Gledis Nanos me argumentin se nuk kishte përmbushur detyrat.

Gjatë prezantimit të tij, kryeministri Edi Rama i dha Rrumbullakut 100 ditë afat për të nxjerrë policinë nga udhëkryqi:

“Nuk e teproj po të them se brenda 100 ditësh Policia e Shtetit duhet të dalë nga udhëkryqi ku ndodhet. Qoftë e largët dita ku unë do zë me gojën time një emër të vetëm oficeri policie, çoje këtu, apo aty, deri tani s’ka ardhur, nuk ka shanse të vijë”.

Top Channel

Share: