Në përgjigje të sulmit të ish kryeministrit Sali Berishës ndaj Ambasadorit Hoffmann ka reaguar edhe Arta Dade, Kryetare e Komisionit për Politikën e Jashtme.
Në një deklaratë për mediat, znj. Dade thekson se Komisioni për Politikën e Jashtme , sikurse takimi i sotëm me Vlahutin, ka organizuar takime të njëjta edhe me Ambasadorë të tjerë sikurse Ambasadori i Republikës Federale të Gjermanisë, Helmut Hoffmann, për të cilin komisioni ka konsiderata të veçanta.
“Sulmet e Berishes ndaj Ambasadorit të nderuar janë tregues i gjendjes së rënde në të cilën ndodhet ky politikan famëkeq që kthehet e rikthehet tek praktikat e tij të vjetra sikurse në 1996 e 1997 kur sulmonte Ambasadoren e nderuar të SHBA, kur si president zhbëri shtetin dhe është përgjegjës për humbjen e mbi 3000 jetëve, apo kur sulmoi institucionet përmes grushtit të shtetit në 1998 apo përsëri kur sulmonte Ambasadorin e SHBA kur urdhëroi vrasjet e demonstruesve të paarmatosur e paqësor në 21 janar”, thekson Arta Dade e cila flet ne emer te komisionit te jashtem parlamentar, por qe sigurisht nuk ka ndare me pare kete qendrim me anetaret opozitare te komisionit.
Nga ana tjeter, kryetarja e Komisionit për Politikën e Jashtme nënvizon se ambasadorët janë përfaqësues të vendeve të tyre, të vendeve që kanë mbështetur Shqipërinë në rrugëtimin drejt konsolidimit të demokracisë dhe proceseve të integrimit euroatlantik.
