Enkelejd Alibeaj ne kuader opozitar beri sot me dije se Edi Rama thotë se po bën shtet, dhe ka ardhur për të bërë shtet jo për të punësuar njerëzit në shtet.
Kjo sigurisht – sipas Alubeaj – është një prej gënjeshtrave e mashtrimeve të koleksionit të tij.
“Ai në fakt është në krye të një shteti të korruptuar, kriminal, një ngrehine me lidhje nepotike, ku në punë të fut vetëm paraja dhe njohja me deputetin e ministrin. Ja cfarë ndodh në drejtorinë e Burgjeve.
Ky dokument konfidencial, që qëndron në tavolinën e Drejtorit si kujtesë për të, tregon të punësuarit, dhe në krah të tyre, sekserin.
Në 6 raste, sekseri është Saimir Tahiri.
Në 11 raste, sekseri është Fatmir Xhafaj.
Në 6 raste, sekseri është ministrja kushërirë, Milena Harito.
Në 5 raste, sekseri është Ditmir Bushati
Në 4 raste, sekserja është Lindita Nikolla
Në 6 raste, sekseri është Rakip Suli.
Në 4 raste, sekseri është Sadri Abazi.
Në 7 raste, sekserja është Vasilika Hysi
Në 6 raste, sekseri është Besnik Bare.
Në 7 raste, sekseri është Pandeli Majko
Ky pra është shteti i Edi Ramës. Një shtet i korruptuar, tribal, që funksionon me lidhje nepoltike e me rekrutime me para në dorë. Skandale si këto e një qeverie të zhytur në korrupsion e krim e kanë ngritur popullin në këmbë. Padrejtësi si këto kanë nxitur revoltën e madhe popullore.” – tha Alibeaj ne konferencen per shtyp.
PS: ne foto Drejtoria e përgjithshme e burgjeve!
