Nga Enriko Ceko
Si zakonisht cdo fund viti ulem të shkruaj një artikull që e kam për shumë zemër: “Ekonomia shqiptare drejt vitit ….” Dhe në fund të titullit është viti që i ri që vjen. Për shumë vite e kam trajtuar këtë lloj artikulli që në formë paraqitet si shkrim krahasues në fund të të cilit jepen disa mendime për vitin që vjen dhe në përmbajtje paraqitet si një përmbledhje e shifrave, fakteve dhe e të dhënave për çështjet ekonomike dhe rezultatet e arritura në ekonomi mbi bazën e të cilave parashikohet e ardhmja. Duke u marrë me këtë artikull që do botohet në ditët e para të vitit 2016, rezulton se gjatë vitit 2015 në fushën e ekonomisë, por edhe në fusha të tjera të jetës Shqipëria dhe shqiptarët nuk kanë bërë asnjë gjë tjetër veçse poezi në ujë. Shumë poezi në ujë. Shumë, shumë, shumë…aq shumë sa ka të paktën nga një poezi për të tërë shqiptarët…
