Zvicër, dështon iniciativa për zbatim të dëbimit të të huajve. Rreth 60 përqind e zviceranëve janë deklaruar kundër iniciativës së populistëve të djathtë, dhe kështu SVP tashmë e ka humbur betejen për iniciativën për zbatim të dëbimit të të huajve kriminelë. Tanimë zviceranët me origjinë të huaj dhe përfaqësuesit e të drejtave të njeriut në Zvicër mund të marrin frymë, pasi rezultatet flasin në favor të kundërshtisë së iniciativës së partisë populiste SVP. Rreth 59 përqind e zviceranë nuk e kanë mbështetur iniciativën e dëbimit të të huajve kriminelë, përkundër që disa anketa e nxirrnin fituese para disa javësh. Sa i takon Iniciativës për dëbim, kantonet që kanë votuar kundër SVP dhe dëbimit të shkelësve ligjorë janë: Aargau, Bern, Appenzell Ausserrhoden, Graubünden, Freiburg, Jura, Glarus, Luzern, Basel-Landschaft, Basel-Stadt, Neuenburg, Genf, Solothurn, St. Gallen, Schaffhausen, Thurgau, Wallis, Zug, Zürich. Ndërsa pro kanë votuar vetëm: Obwalden, Uri, Nidwalden, Schwyz, Tessin.
