Organizata famëkeqe mafioze italiane me bazë në Puglia, Sacra Corona Unita i ka shtrirë tentakulat e saj edhe në Shqipëri.
Kështu shkruan sot “Corriere Della Sera”, duke cituar një raport të FBI-së amerikane, ku thuhet se ka një prani shqetësuese të klanit mafioz puliez përtej oqeanit.
“Shumë pak anëtarë të Sacra Corona Unita janë identifikuar në SHBA, edhe pse disa individë në Illinois, Florida e Nju Jork kanë lidhje të forta me organizatën”, citohet FBI nga media italiane./syri.net
“Rrënjët e mafies pulieze në Shqipëri janë të vjetra edhe për shkak të afërsisë gjeografike dhe përhapjen e gjuhës italiane.
Vendi i shqiponjave është qendër për kontrabandën e cigareve dhe drogës në sasi të konsiderueshme që vjen nga Afghanistani.
Mafia shqiptare ka krijuar partneritet me klanet pulieze, ndërsa ngarkesa e drogës arrijnë në Itali me brigjet italiane (nga Mali i Zi, Kroacia dhe Shqipëria)”, shkruan prestigjozia italiane Corriere Della Sera/Opinion.al
