Një aksident rrugor ka ndodhur sot në Fushë-Krujë, me pasojë një të vdekur. Ngjarja ka ndodhur tek “Mbikalimi i Fushë-Krujës”, ku 43-vjeçari Pal Dedaj, banues në Pukë, duke drejtuar mjetin tip “Renault” me targa AA 719 IV, ka aksidentuar këmbësorin K.Sh., 85-vjeç.
I plagosuri është dërguar në Spitalin Ushtarak në Tiranë, por më vonë ka ndërruar jetë. Policia ka arrestuar drejtuesin e mjetit Pal Dedaj, ndërsa materialet i kaluan Prokurorisë së Krujës për veprime të mëtejshme për veprën penale “Shkelja e rregullave të qarkullimit rrugor”.
