Që hashahi një ditë mund të bëhet edhe simbol i buqetës së të sapomartuarve këtë tanimë e dinë të gjithë. Por është një gjë se ekziston një e vërtetë informale dhe krejt tjetër kur ajo artikulohet si shqetësim publik. Shqipëria, kjo republikë droge dhe krimi, ka në krye një ministër të Brendshëm, i cili formalisht ka epror një kryeministër, të cilët sa herë vjen puna te droga mohojnë përmasën e realitetit të saj.
Kur shkruajnë apo filmojnë gazetarët ka heshtje, ose thjesht izolim. Kur akuzon PD-ja këtu kemi të bëjmë me makinerinë e baltës apo me kundërtezën e Lazaratit.
Kur kapen mat drejtues si Klement Balili, të gjithë bëjnë autikun, sepse Ilir Meta i ka kapur fort socialistët në disa vende.
Kur akuzon edhe udhëheqësi i Edi Ramës, Koço Kokëdhima, ministri i Brendshëm, kjo qenie politike qesharake lëshon një deklaratë sipas të cilës Kokëdhima është në krye të një lobi kriminal që synon të përfitojë nga kultivimi i hashashit. Cili është ky lob zoti ministër? Na e nis në formën e ndonjë komenti me pseudonim nëse nuk ta mban ta thuash.
Sot ka ardhur një deklaratë edhe nga Edurd Kukakn që thotë se droga është problem shumë i madh në Shqipëri. Me siguri që këtë e di edhe ambasadori i BE-së dhe ai amerikan në Tiranë, të cilët na u bënë si shokë lagjeje në verë kur nuk linin rast pa folur për reforma e për Shqipërinë që po begaton duke hequr krimin nga politika.
Jemi në kushtet retorike kur gati gati të duket se droga në Shqipëri, ngjan si një lajthitje, si një lapsus zyrtarësh dhe kedashësish që nuk kanë sy e nuk kanë mendje të kuptojnë reformat epokale të qeverisë. Të lexojnë atë përpjekje të pakompromis të policisë dhe Sajmir Tahirit.
Ndoshta është edhe kështu. Ndoshta një popull i tërë minus qeverinë e Ilir Metës dhe Edi Ramës jeton në një periudhë sonanmbulizmi dhe nuk di ç’thotë e çfarë sheh. Ndaj ministri i Brendshëm duhet të na çelë sytë, njësoj si reforma në Arsim që sapo përfundoi:
Zoti Ministër, kujt klan, apo lob kriminal i shërben Eduard Kukan? Çfarë përfitimesh ka ky njeri që me siguri po përpiqet të njollosë imazhin tuaj, pasi imazhit të Shqipërisë me reformat që u bënë as i hyn më gjemb në këmbë?
Një përgjigje ju lutemi. Kjo kërkesë vlen edhe për “transparenca.al”./respublika.al
