Ambasadori grek i nderit, Aleksandros Mallias, shkruan se Shqipëria e ka prerë në besë Greqinë. Ai shkruan për CNN grek, se Greqia mbështeti Shqipërinë për statusin kandidat për në BE në vitin 2014, por ajo e preu në besë.
Mallias thotë se grekët janë të zhgënjyer me Ramën, pasi pritshmëritë për të ishin shumë të mëdha. “Të gjithë e mbajmë mend se sa optimistë ishim kur në zgjedhjet e vitit 2013, në Shqipëri fitoi partia e Ramës”, shkruan ai.
“Athina ka preferuar të jetojë me iluzione dhe gjithmonë ka patur vullnet për hapjen e një kapitulli tjetër me Shqipërinë. Por shikoni çfarë ndodhë me Tiranën. Ajo e sheh veten më të fuqishme se Greqia dhe se raportet i beson të ndryshuara.
Tirana mendon se Greqia është më e dobët pas krizës ekonomike dhe tani kërkon të përcaktojë rregullat e lojës”, shkruan Mallias./Lapsi.al
