VIDEO/ “Niko Peleshi më dha 25 euro për votën”

Është bërë denoncimi i parë publik për shit-blerje votash në Bashkinë e Kolonjës. Në një video të publikuar në rrjetet sociale, një qytetare thotë se i kanë ofruar 25 euro që të votojë për kandidatin e majtë, Ilia Stefo. Në video përmendet dhe emri i zv.kryeministrit Niko Peleshi, duke thënë se paratë janë ofruar prej tij. Kandidati i majtë, Ilia Stefo ka reaguar për videon duke e quajtur “qesharake”. “Komisioneri i PD vetë pyet, vete përgjigjet. Keqardhje për justifikimet donkishoteske të humbjes së merituar”, – shkruan ai.