Është përplasur edhe me gazetarin e ABC News Indrit Maraku kryeministri Rama në konferencën për shtyp të fundvitit.
Gazetari e nisi pyetjen e tij nga rrëfimi që Rama bëri për shtëpinë e tij mbrëmjen e shkuar në emisionin Opinion. Por sapo i përmendi shtëpinë, Rama u përgjigj me agresivitet.
Rama: Pse cfarë ka shtëpia ime? E keni treguar shpeshherë dhe keni shpifur.
Gazetari: Na e tregoni dhe ne japim të vërtetën.
Rama: Shtëpinë e kam për miqtë dhe ju nuk jeni miqtë e mi. Ju keni sjellje jokorrekte, të qëllimshme, negative për të manpuluar opinionin publik. Nuk kam dashur t’u përgjigjem këtyre iditotësive Shtëpia ime është shumë më modeste e shumëve prej atyre që bëjnë opinionistin në Shqipëri. Por ka mur të madh, sepse unë jam i gjatë.
Edhe kur gazetari e pyeti për lojërat e fatit, për shtyrjen e ligjit me dy vjet të tjera, Rama iu kthye sërish pyetjes së shtëpisë. Ndërsa për ligjin e lojërave të fatit ai tha se nuk ka mundur të gjejë dakordësinë brenda grupit parlamentar. Opozita e ka akuzuar Ramën se qëndron pas këtij biznesi, me anë të vëllait të tij. /Lapsi.al
