Sot në 15:00 Kuvendi i Shqipërisë mblidhet për të zhvilluar raundin e tretë për zgjedhjen e kreut të ri të shtetit. Kryetari i Kuvendit ka njoftuar se seanca do të mbahet pas seancës së zakonshme parlamentare që mblidhet në orën 10:00.
Për zgjedhjen e presidentit kërkohet shumicë e cilësuar me 84 vota nga anëtarët e Kuvendit. Ndërkohë Kuvendi ka ezauruar pa asnjë emër dy raundet e para për zgjedhjen e Presidentit.
Deri tani, nuk është dhënë asnjë emër as nga mazhoranca, e cila thotë se po pret opozitën, por as nga kjo e fundit, e cila ndodhet prej 68 ditësh në protestë dhe bojkot parlamentar.
Kryetari i PD-së, Lulzim Basha propozoi që zgjedhjen e Presidentit t’ia lërë në dorë popullit.
