Partia Demokratike nuk ka bërë asnjë koment zyrtar mbi rezultatin paraprak të zgjedhjeve, ku nga numërimi i rreth 50 % të votave, duket se Kryeministri Edi Rama ka siguruar fitoren në zgjedhjet e 25 Qershorit.
E ndërsa , kreu demokrat Lulzim Basha prej mëngjesit ndodhet në selinë e PD nga ku po ndjek rezultatet e zgjedhjeve, heshtjen e ka thyer një prej aleatëve të tij, që rrezikon hyrjen në Parlamentin e ardhshëm.
“Në këto zgjedhje, perveç shpirtit të demokrateve, çdo gjë tjetër është blerë! Turp, ky nuk është proçes, as standard, as demokraci!”, shkruan Nard Ndoka në një postim në rrjetet sociale, ndërsa ishte në listat e kandidatëve të PD-së për deputet në qarkun e Shkodrës.
