Nga Fadil Maloku
1. Në Marrëveshjen e 19 prillit 2013 (midis Kosovës dhe Serbisë), Gjykata Kushtetuese ka konfirmuar që 23 nene të Kushtetutës sonë, NUK janë në përputhje me Pakon e Brukselit?! Që nënkupton, se kësaj Marrëveshje (që ende mbahet në “ilegalitet” publik!) i mungon alibia legjislative dhe koherenca kohore!?
2. Në kuadër të kësaj Pakoje, Marrëveshja për Asociacionin, lëre që nuk është kompatibile me Kushtetutën (“Ahtisariane”), por as me (shih Ti!?) dokumentet, Kartën Evropiane dhe ligjet aktuale evropiane mbi modelet e decentralizimit të komunave!? Që është një absurd i llojit të vetë.
3. Që i bie, se kërkesat e shtetit serb, në Bruksel për Asociacionin, jo vetëm që ishin përtej limiteve superdiskriminuese etnike (5%serb, barazvlerësohet 95 shqiptar!?), por, edhe një precedent i ri padyshim “sui generis, që do i sjellë shumë probleme legjislaturës së re që duhet ta votoj, dhe sidomos Qeverisë Haradinaj, që duhet ta ekzekutoj!?
4. Tash ky precedent i ri, për t’u bërë praktikë sociale, e gjithsesi edhe politikisht e ligjërisht obligativ, duhet patjetër të procedohet në Parlament (se derman tjetër nuk ka!) dhe të hidhet në votim. Rreziku bëhet edhe më i madh, nëse i njëjti, paraprakisht nuk analizohet dhe interpretohet drejtë nga “dioptria” dhe kompetenca e ekspertëve tanë ligjorë!
5. Sepse, nga; opozita, qytetarët, shoqëria civile, e sidomos mediet tona të “pavarura”, procedimi i tillë mundet edhe të mos hetohet fare! Kurse, për debat publik, as të mos flasim, sepse ai nuk do ndodhë, edhe për një arsye të vetme; se ekskluzivitetin dhe mandatin për këtë çështje me interes kombëtar e shtetërorë, e kanë vetëm “gishtat” e deputetëve!
6. Por, publiku i gjerë duhet ta kuptoj që paraprakisht ky (mos)votim, nuk mund dhe nuk do të duhej t’u bie barrë vetëm e “gishtërinjve” të deputetëve! Sepse, shumica e tyre, as që i lexojnë draft ligjet e arritura në sirtarët e tyre?! Interpretimin mund ta bëjë vetëm Gjykata Kushtetuese dhe Shoqata e Juristëve të Kosovës.
7. Anipse, me rregulloret e brendshme parlamentare, po besoj që është dashur, dhe patjetër që duhet deputetët paraprakisht; t’i lexojnë materialet që u servilen përpara! Në këtë procedim, duhet pasur parasysh edhe faktin tjetër evident, që; Marrëveshja e Brukselit, është në kundërshti logjike, morale dhe juridike edhe me Kartën Evropiane për decentralizimin e pushtetit vendor, dhe Dokumentin Gjithëpërfshirës për Zgjedhjen e Statusit Përfundimtar të Kosovës!?
