Pas vendimit të Gramoz Ruçit për të shtyrë për nesër mbledhjen e Këshillit të Mandateve, Saimir Tahiri doli nga Kuvendi dhe këmbënguli para gazetarëve edhe nje here me batuten e edi rames: Nuk është parë gjë akoma.
“Jua thashë që s’keni parë gjë akoma, kur jua thashë ju duk si një mënyrë e mirë për të bërë cdo lloj historie, por e them prapë që nuk keni parë asgjë akoma, jua thashë bëni durim sic po bëj unë, besoni barrën e kam shumë më të madhe se ju po bëni durim. E vërteta do dalë në dritë dhe nuk do vonojë shumë. Unë do jem i kënaqur kur e vërteta të dalë në dritë.” – u shpreh Tahiri para gazetarëve.
