Ish-kreu i SHISH, Fatos Klosi ka komentuar rastin e sekuestrimit të një sasie prej të paktën 613 kg lëndësh narkotike e dyshuar si kokainë, ditën e sotme në Durrës.
Në rubrikën “Opinion” në “News24”, Klosi thotë se për të realizuar një operacion të këtyre përmasave duhet një kohë e madhe hetimi, si dhe bashkëpunimin me autoritete ndërkombëtare.
“Për të bërë operacione të kësaj natyre, sipas mendimit tij është i nevojshëm bashkëpunimi me shumë institucione ndërkombëtare. Mos harrojmë që trafiku i drogës është një aktivitet që është strukturuar prej vitesh, dhe ata kanë dijenitë e tyre. Sasi të kësaj natyre nuk bien rastësisht në duart e policisë. Për të realizuar operacione të tilla duhen muaj të tërë”, tha Klosi.
Sipas tij, pas sekuestrimit të kësaj sasie të konsiderueshme droge, mund të ketë përplasjes mes grupeve kriminale.
“Vlera në treg e drogës së sekuestruar është shumë e madhe, dhe humbja e trafikantëve është e madhe po ashtu.
Mund të ndodhë një përplasje mes atyre që e kanë organizuar, apo atyre që prisnin të merrnin fitimet.
Unë nuk di gjë për këtë punë, por tani me siguri do të ketë përplasje mes grupeve kriminale”, u shpreh Klosi.
