Sipas ambasadorit amerikan në vendin tonë qeveria duhet të lëshojë menjëhere fondet për gratë e trafikuara për prostitucion, por nga ana tjetër institucionet e drejtësisë duhet të arrestojnë trafikantët.
Donald Lu tha se ka edhe trafikantë që tani kanë veshur konstumin e zyrtarit.
“Ndiej neveri që disa prej drejtuesve të votuar të këtij vendi, kanë qenë burrat që i shitën këto vajza të pafajshme në skllavëri. Ata duhet të arrestohen dhe të dënohen me të gjithë fuqinë e ligjit”, u shpreh ai në një konferencë kundër trafikimit të qenieve njerëzore.
Aty foli edhe zv. Ministrja e Brendshme Rovena Voda që theksoi se, prioritetet e qeverisë shqiptare bazohen tek politikat strategjike antitrafikim dhe tek rekomandimet e partnerëve tanë si SHBA dhe BE.
Projekti i fundit i DASH-it ka si qëllim ofrimin e shërbimeve komunitare për viktimat e trafikimit në Ballkan, drejt vendeve te BE.
Më poshtë deklarata video në kroniken e ABC NEWS
