Presidenti i Republikës së Italisë, Sergio Mattarella, pas konsultimeve të së hënës gjatë së cilës M5s dhe Lega propozuan emrin e Giuseppe Conte-s për kryeministër, ka marrë kohën që i nevojitet për konsultime.
Mediat italiane shkruajnë sot se ai është takuar me presidentët e Dhomës dhe Senatit, përkatësisht Roberto Fico dhe Maria Elisabetta Alberti Casellati. Takimet ishin të ndara dhe zgjatën rreth gjysmë ore secili. Megjithatë asnjëri prej tyre nuk u prononcua për mediat me të dalë nga Presidenca. Mediat shkruajnë se Presidenti ka marrë kohë dhe ka kryer takimet e nevojshme për të qënë jo vetëm në përputhje me Kushtetutën dhe ligjet e vendit, por edhe për të zgjedhur që kryeministër që do bindë BE-në.
PIKËPYETJET E PRESIDENTIT
Dyshimet janë të shumta: Koha që po kërkon Presidenti Mattarella synon të sjellë negociatat për krijimin e qeverisë së re në një kuadër sa më formal. Presidenti nuk mundtë vinte firmën e tij mbi e tij mbi një paketë tashmë të mbyllur në respekt të Kushtetutës, e cila siguron prerogativa shumë specifike si për kreun e shtetit ashtu edhe për kryetarin e këshillit. Deri më tani ai ka ndjekur një rrugë për të siguruar një qeveri të re në përputhje me përgjigjet e sondazheve dhe kjo është linja që do të vazhdojë të ndjekë. Por në pajtueshmëri të plotë me normat dhe praktikat kushtetuese si dhe nga shqyrtimi i situatës ekonomike dhe sociale të vendit dhe angazhimet ndërkombëtare, shkruan “La Repubblica”.
FRIKA E BE
Ndërkohë që në Itali politika është e përqendruar tek krijimi i qeverisë së re, paralajmërimet e BE-së për mbajtjen e llogarive publike bëhen gjithnjë e më të forta. I fundit është ai i nënkryetarit të Komisionit të BE-së, Valdis Dombrovskis, i cili në një intervistë me Handelsblatt thotë: “Ne besojmë se është shumë e rëndësishme që qeveria e re të ruajë kursin e saj dhe të ruajë me përgjegjshmëri politikën e saj të buxhetit” . Kjo është e nevojshme pasi “Italia ka borxhin e dytë më të lartë publik pas Greqisë”. Edhe Ministri i Punëve të Jashtme i Luksemburgut, Jean Asselborn, gjatë Këshillit të Tregtisë së BE, shprehu frikën: “Unë shpresoj se presidenti i Republikës Sergio Mattarella” nuk do lejojë që “qeveria e re italiane” të shkatërrojë të gjithë punën e bërë vitet e fundit “në BE” nga kriza financiare deri më sot. E dëshiroj si për Italinë dhe për ne”.
PROFILI I GIUSEPPE CONTES
Por kush është Giuseppe Conte, pedagogu që po bën Presidentin italian të mendohet ndërkohë që ka marrë dakordësinë e Salvinit dhe Di Maios.
Pedagogu i së drejtës private në Universitetin e Firences, ka lindur në Foggia, në vitin 1964. Ai është diplomuar në drejtësi në universitetin “La Sapienza” me nota maksimale. Ka qënë anëtar i disa fondacioneve dhe agjencive shtetërore.
Në vitin 2013, me vendim Parlamenti është zgjedhur anëtar i Këshillit të Presidencës së Drejtësisë Administrative. Në atë rast bëri bujë CV-ja e tij me 18 faqe.
Para afrimit me Lëvizjen Pesë Yjet, Conte ka gëzuar simpatinë edhe të ish-kryeministrit Mateo Renzi. Ai është edhe hartuesi i programit elektoral në sistemin e drejtësisë për Lëvizjen 5 Yje. Në të shkuarën e tij politike Giuseppe Conte ka qënë i lidhur me të majtën italiane.
Sistemi i drejtësisë i propozuar nga ai eliminon në mënyrë drastike burokracinë ligjore që deri më sot dominojnë Italinë.
360grade.al
