Vasil Dervishaj, 29 vjeç, është personi që mbeti i vrarë në Vlorë mbrëmjen e së hënës.
Sipas uniformave blu ngjarja ndodhi në lagjen “Pavarësia” tek ish-kombinati i peshkut.
Viktima njihet si pronari i një kompanie kafeje dhe disa bareve në qytetin bregdetar.
Një prej pronave të tij është edhe “Kafe Gimoka”.
Burime në vendin e ngjarjes thanë se 29-vjeçari ishte nën drejtimin e një makine tip “Ford” me targa italiane kur është qëlluar me armë zjarri.
Të shtënat kanë qenë me breshëri nga një tjetër makinë në një distancë të afërt. Pas të shtënave mjeti ku qëndronin autorët u largua nga vendngjarja.
Policia njoftoi se janë ngritur pika kontrolli dhe po krihet zona me qëllim kapjen e autorit.
“Grupi hetimor ka nisur punën për zbardhjen e rrethanave të ngjarjes, dhe për identifikimin e kapjen e autorit”, – thuhet në njoftimin policisë. ©LAPSI.al
