Ish Presidenti Bujar Nishani ka sulmuar sot kryeministrin Rama dhe kreun e Bashkisë së Tiranës, Erion Veliaj lidhur me projektligjin që i hap rrugën shembjes së teatrit dhe ndërtimit aty të një godine të re dhe gjashtë kullave.
Përmes një statusi në faqen e tij në Facebook, Nishani thotë se Rama e Veliaj janë vetëm administratorë e jo pronarë të tokës në Tiranë.
Statusi i Nishanit
Qesharake deri në neveri!
Qeveria dhe Bashkia Tiranës thonë se:
“po japim tokën sic bëjnë të gjithë pronarët dhe do marrim përqindjen të përkthyer në teatër të ri” !!!!
Ore, po nuk jeni pronarë të shtetit, pronës publike dhe pushtetit.
Jeni administrator të përkohshëm të tyre.
Po ringjallin sojin e Haxhi Qamilit, mu në mes të Tiranes.
