Oficerë të Prokurorisë së Krimeve të Rënda kanë sekuestruar të mërkurën videon e publikuar nga deputeti Ervin Salianji mbrëmjen e së martës në emisionin “Opinion”, në Tv Klan.
Oficerët mbërritën në Selinë e PD paraditen e sotme, ku edhe bënë administrimin e materialit filmik në cilësinë e provës materiale.
Alfred Alizoti thotë në video-përgjim se është përdorur nga policia dhe se audio-përgjimi për vëllain e ministrit të Brendshëm Fatmir Xhafaj është i vërtetë. Në video Alizoi permend si të implikuar edhe deputetin socialist Taulant Balla dhe Drejtorin e Policisë së Shtetit, Ardi Veliu.
Si Balla ashtu edhe Veliu hodhën poshtë pretendimet duke i cilësuar si totalisht të pavërteta.
