Ministri i Brendshëm, Sandër Lleshi, nuk i është përgjigjur kërkesës së deputetëve të Partisë Demokratike, për të dhënë shpjegime në Komisionin e Medias.
Mungesa e ministrit të Brendshëm ka sjellë edhe debate në komision.
Drejtuesja e komisionit, Albana Vokshi e ka cilësuar si të pavend mospraninë e ministrit të Brendshëm.
Ministri Lleshi ishte ftuar të jepte shpjegime lidhur me futjen e policisë në ambientet studentore dhe dhunën e ushtruar ndaj tyre.
Deputetët demokratë kanë kujtuar që kjo është e disata herë që ministrat ftohen në komisionin e Medias dhe nuk paraqiten për të dhënë shpjegime, duke e konsideruar këtë si një shkelje të rregullores së funksionimit të komisioneve.
Ndërkohë që pritet një reagim nga vetë Ministria e Brendshme, lidhur me shkaqet e mungesës së Ministrit Lleshi në komision. D.L/opinion.al
