Pergatiti Magasine Bussiness
Çelësi për përqëndrim të lartë: Hiq dorë nga të bërit shumë gjëra në të njëjtën kohë, (multitasking).
Tipari i njëjtë i njerëzve që kanë shumë kohë dhe të ardhura më të larta është aftësia për të bërë vetëm një gjë. – Tim Ferriss, sipërmarrës.
Ne jemi gjithë kohën duke bërë multitasking. Ndoshta dhe ju në këtë moment derisa po e lexoni këtë artikull. Ndoshta jeni duke dëgjuar muzikë? Një email apo rrjet social të hapur? Ndërkohë dikush po ju flet? Gjithmonë është diçka që “lutet” për vëmendjen tonë.
Po sikur ne të përqendroheshim vetëm në një gjë? Një problem, një detyrë, një bisedë?
Ne do të ishim më të fokusuar, më produktivë dhe si rezultat do të merrnim vendime më të mira.
Jobs shpesh rekomandonte për t’u thënë jo shumë gjërave.
Po Thuaji “jo” rrëmujës në kokë
Prioriteti juaj i parë është që të fshini nga mendja “gjërat” – ato më të parëndësishmet, detyra, kalendare, takime, ngjarje shoqërore dhe aktivitete të tjera pa vlerë që mund t’i rishikoni më vonë, delegoni te të tjerët ose t’i hiqni nga lista juaj e punëve të rëndësishme. Sa më pak e ngarkuar që është mendja juaj, aq më i mirë do të jetë përqendrimi juaj.
Thuaji “jo” ndërprerjeve
Teknologjia është një nga pengesat më të mëdha për t’u përqendruar. Zhurmat e vazhdueshme nga njoftimet sigurisht që ju tërheqin vëmendjen. Së pari, kur hyni në zyrë, mos hyni menjëherë në email; ju mund të humbisni në një grumbull të nevojave dhe kërkesave të të tjerëve, kështu që bëjeni këtë në fund. Tjetër, minimizoni ndërprerjet duke aktivizuar Airplane Mode ose duke fikur njoftimet dhe duke e vendosur smartfonin tënd në një dhomë tjetër aty pranë.
Pra, çfarë humb duke mos bërë asnjërën nga këto? Një studim me një grup punonjësish zbuloi se nëse të gjitha ndërprerjet eleminohen, këta punonjës fitojnë tre deri në pesë orë kohë çdo ditë, e cila është e barabartë me 40-60% të ditëve standarde të punës.
Thuaju “jo” hajdutëve të kohës
Menaxhimi i kohës është mënyra më perfekte për të rikuperuar kohën e humbur nga njerëzit që ke afër, të cilët nuk dinë gjë tjetër veçse të vjedhin kohën tënde të çmuar, duke të ndërprerë vazhdimisht. Krijoni afate për çdo detyrë apo aktivitet të rëndësishëm që kërkon fokus, energji dhe përqëndrim. Në këtë mënyrë kolegët e tu nuk mund të ndërhyjnë vend e pa vend, vetëm në rastet vërtet emergjente.
Ndonjëherë realizimi i një qëllimi kryesor, i cili mund të të bëj të suksesshëm, vjen nga besimi te vetja. Të gjithë ju që keni qëllime të mëdha, duhet të qëndroni pozitivë në rrugëtimin që keni nisur dhe të reflektoni herë pas here për progresin që keni arritur deri më tani. Vendosni kufijë, menaxhoni kohën tuaj dhe përqendrohuni, gjithnjë duke qëndruar pozitivë.
Thuaju “jo” pasigurive
“Njerëzit mendojnë se të përqendrohesh do të thotë ti thuash po diçkaje në të cilën duhet të përqendrohesh. Por nuk është kjo e vërteta. Të përqendrohesh do të thotë ti thuash jo njëqind ideve të tjera. Duhet të zgjedhësh me kujdes. Unë në të vërtet jam krenar për gjërat që si kam bërë, njëjtë sikur për ato që i kam bërë. Inovacion do të thotë ti thuash jo
