Mëngjesin e sotëm kryeministri Edi Rama shoqëroi në ditën e parë të shkollës Aurelin dhe Alesion, pas tërmetit tragjik të 26 nëntorit.
Por, teksa po shkonte në shkollën “Ahmet Zogu” në Kamëz, kryeministrit i tërhoqi vëmendjen një gropë në rrugën përpara oborrit të shkollës.
Me kryeministrin Rama, ndodhej dhe kreu i Bashkisë së Kamzës, ndaj të cilit kryeministri kërkoi të rregullonte sa më parë gropën.
Edi Rama: O Rakip rregulloe këtë gropën.
Rakip Suli: Patjetër.
Edi Rama: Ore patjetër rregulloje, te dera e shkollës me gropa?
Rakip Suli: Ka lënë shumë gropa ai.
Edi Rama: E di të ka lënë shumë gropa, po iku ai.
Rakip Suli: Kur lë shumë gropa e do pak kohën e vet. Siç e gjete dhe ti para disa vitesh.
Në ikje, Rama u interesua edhe për gjendjen e shkollës pas tërmetit.
Edi Rama: Në themele nuk pati gjë?
Drejtori: Jo.
Edi Rama: Vetëm atë gropën atje Rakip.
Rakip Suli: Patjetër po ka lënë shumë gropa ai.
Edi Rama: Lëre shumë gropa, nesër gropa e mbyllur Rakip. E di ti! /Opinion.al
