Kabineti qeveritar grek është shprehur se ka marrë masat e nevojshme për t’u përballur me koronavirusin.
Në fund të mbledhjes ministri i Shëndetësisë, Vassilis Kikilias tha se Greqia ka 13 spitale gati për të trajtuar rastet me koronavirus si dhe ka thënë se vendi është gati për të përballuar situatën vetëm se duhet qetësi, seriozitet dhe profesionalizëm.
Më tej Kikilias i ka bërë apel medias të tregohet serioze në informacionet të cilat do të transmetojë. Në mbledhjen e sotme kanë qenë të pranishëm ministrja e Edukimit, Niki Kerameus, ministri i Mbrojtjes Michalis Chrysochoidis, ministri i Brendshëm Takis Theodorikakos, ministri i Shtetit Giorgos Gerapetritis apo dhe ministri i emigracionit Notis Mitarakis të cilët informuan kryeministrin Mitsotakis.
Ministria e Shëndetësië ka lënë përgjegjëse për organizimin e karantinave një komitet i drejtuar nga profesori dhe eksperti i sëmundjeve infektive Dimitris Tsiodras./Opinion.al
