Gjykata ka vendosur masën arrest me burg për 4 autorët e një ngjarje të rëndë që tronditi vendin pak ditë më parë.
65-vjeçari Abas Doku dhe një prej të rinjve që bashkëpunoi për të abuzuar të miturën 15-vjeçare janë paraqitur sot para Gjykatës së Tiranës. Kokë ulur të dy qëndronin në bankën e të akuzuarve për abuzimin seksual për mbi një vit me 15- vjeçaren e cila jetonte në Babrru.
Prej kohësh e mitura e mbante sekret përdhunimin dhe shantazhin derisa disa ditë më parë vendosi të bëjë kallëzim teksa Policia reagoi duke shoqëruar Abas Doga por duke zbuluar edhe 3 të rinjtë bashkëpunëtorë.
Abas Doga abuzonte me të miturën që kur ishte roje shkolle aty ku studionte dhe vajza, më pas e përndiqte, e ka dhunuar dhe e ka përdhunuar duke i regjistruar edhe video intime për shantazh.
Burime për Top Channel bëjnë me dije se ai në deklaratën e tij mohon të ketë ushtruar dhunë mbi vajzën.FOTO GALERI1/6
Top Channel
