Moderatori i njohur Ardit Gjebrea ka njoftuar se e ka fituar betejën me Covid-19.
Nëpërmjet një njoftimi në “Instagram”, Gjebrea falenderon mjekun Adrian Jorgjin që e ngriti në këmbë, infermieren e tij Florën për gjithë durimin që ka treguar, bashkëshorten e tij Anilën që e quan engjëllin mbrojtës, ndërsa shton se “do të duhet pak kohë deri sa të ndez 5 motorët”.
“Kaq ishte! Tani filloi rikuperimi dhe së pari falënderoj: dr. Adrian Jorgjin që më ngriti në këmbë, infermiere Florën për durimin, Anilën engjëll mbrojtës për ditët dhe netët pa gjumë, miqtë që çdo mëngjes më mbushnin inbox të WhatsApp me merakun e tyre.
Faleminderit dhe të gjithë ju që më keni shkruar dhe uruar shërim të shpejtë, jeni shumë të mirë dhe bekimet tuaja ishin doza e duhur për të mbajtur optimizmin lart – motiv force! Tani sigurisht do duhet pak kohë deri sa të ndez të 5 motorët, po kush na nxiton? Dielli doli”, ka shkruar Arditi./Opinion.al
Ju sugjerojmë
