Ish-shefi i sektorit të lëndëve narkotike në drejtorinë e Elbasanit, Sokol Novaku është kërcënuar me jetë.
Sipas “Abc Neës”, Novakut i është dërguar një mesazh ku shkruhej; “..Do të bajm ushqim për derra, ty me gjithë familjen, do të djegim të gjallë. Kena për të q* robt, i ke ditët e numërume.”
Pas marrjes së mesazhit kërcënues Novaku, dy ditë më parë ka depozituar në Prokurorinë e Rrethit Elbasan kallëzimin për kërcënimin e jetës së tij dhe familjarëve.
Sokol Novaku, rreth 10 ditë më parë u transferua si shef krimesh në komisariatin e policisë në Gramsh, ndërsa ka qenë më parë shef i komisariatit Nr.2 në Tiranë.
Në drejtorinë e Policisë Elbasan Novaku u emërua shef i sektorit të narkotikëve ku qëndroi për 4 muaj.
