Një ditë pas vendimit të Agjencisë Europiane të Barnave, kryeministri britanik, Boris Johnson ka marrë dozën e parë të vaksinës së prodhuar nga AstraZeneca. Johnson i cili e kaloi covid vitin e kaluar, u kthye në të njëjtin spital për të marrë dozën e parë të vaksinës.
Pasi mori dozën e parë ai iu tha gazetarëve se “nuk ndjente asgjë” dhe inkurajoi njerëzit të bënin të njëjtën gjë.
Më herët, me AstraZeneca u vaksinua edhe kryeministri Francez.
Vetëm në 24 orët e fundit autoritetet e shëndetësisë në ishull bëjnë me dije se janë vaksinuar mbi 660 mijë persona, shifër kjo rekord që nga nisja e procesit të vaksinimit.
Të dhënat zyrtare nga Mbretëria e Bashkuar bëjnë me dije se deri në këto momente 26 milionë persona e kanë marrë dozën e parë të vaksinës ndërsa 2.01 milionë i kanë marrë të dyja.
Agjencia Evropiane e Barnave ka dalë në konkluzionin se vaksina AstraZeneca është e sigurtë dhe rekomandon përdorimin e saj. EMA thotë se vaksina “AstraZeneca” do të vazhdojë të injektohet, pasi nuk paraqet asnjë rrezik për qytetarët.
Ekspertët e EMA thonë se nuk ka asnjë provë se vaksina shkakton trombozë.
Top Channel
