Dy kryebashkiakët e Partisë Socialiste, Dritan Leli në Vlorë dhe Dionis Ymerajn në Dibër kanë dhënë dorëheqjen. Burime per Opinion.al bëjnë më dije se dy kryebashkiakët do të kandidojnë për deputetë në zgjedhjet e 25 prilli.
Kujtojmë se sot, është afati i fundit që Komisioni Qendror i Zgjedhjeve u ka lënë të gjitha partitë që janë regjistruar për zgjedhjet e 25 prillit, që të dorëzojnë listat me emrat e kandidatëve për deputetë. Afati përfundon në orën 23.59.
Ndërkohë që më herët Partia Lëvizja për Ndryshim, e drejtuar nga ish-kryeparlamentarja Jozefina Topalli, ka dorëzuar listën e kandidatëve të saj./Opinion.al
