Tre kompani importuese të plehrave kimikë janë gjobitur nga Autoriteti i Konkurrencës pasi rritën në mënyrë të menjëhershme çmimet dhe nga sot rikthen sërish nën hetim edhe për 1 vit tregun e plehrave kimikë.
Bëhet fjalë për kompaninë Agro Blend e ndëshkuar me gjobë në 118.9 milionë lekë, ndërmarrjen MBM dhe ÇAÇA shpk përkatësisht gjobitur me 66 dhe 7 milionë lekë.
Tre ndërmarrje ishin nën hetim prej një viti së bashku me 7 kompani të tjera të plehrave kimikë Arli Internacional, Eco-Green, Lila, Agro-Means, IAM, Agrohelp-Sa dhe Besniku shpk, pra në total 10 kompani që janë monitoruar nga Autoriteti për sjelljen e tyre në treg.
Gjatë kësaj periudhe thuhet në njoftimin e Autoritetit, tre ndërmarrjet e gjobitura shkelën ligjin për mbrojtjen e konkurrencës pasi përcaktuan njëherësh çmimet e shitjes së plehrave kimikë dap, nitrat dhe ure duke ndarë tregjet.
Denoncimi se tregu i plehrave kimikë është shndërruar në kartel dhe se kompanitë po kontrollojnë tregun është bërë në mënyrë të vazhdueshme nga ish-zëvendës kryeministri Erion Braçe.
Edhe në seancën plenare të së enjtes i Braçe i kërkoi për të disa herë radhazi Ministrisë së Bujqësisë të marrë masa emergjente për uljen e çmimeve të inputeve bujqësore përfshirë edhe plehrat kimike pasi kjo sipas tij po godet fermerët.
Top Channel
