Një kolonel rus që mbante valixhen bërthamore të presidentit rus, Vladimir Putin, thuhet se është qëlluar në shtëpinë e tij pranë Moskës.
Sipas mediave të huaja, Vadim Zimin, 53-vjeç, Koloneli në pension që punoi në Shërbimin Federal të Sigurisë të Kremlinit kishte qenë përgjegjës për çantën që mbante kodet bërthamore të liderit rus, e cila shoqëron gjithmonë Putinin. Ai është është plagosur rëndë dhe tashmë po lufton me jetën.
Zimin u gjet i plagosur me armë zjarri në kuzhinën e banesës së tij në Krasnogorsk, në Moskë. Në atë kohë, gruaja e tij mjeke nuk ishte në banesë pasi kishte shkuar për të trajtuar të plagosurit nga lufta në Ukrainë.
Të shtënat erdhën pasi Zimin së fundmi po përballej me hetim penal për marrje ryshfeti pasi iu bashkua shërbimit doganor pas largimit të tij nga shërbimet e sigurisë
Ai u gjet nga i vëllai, i cili tha se e gjeti të shtrirë në tokë në një pellg gjaku dhe me një plagë në kokë.
