Politologia Evi Kokalari ka treguar sot në emisionin “Pikat mbi i” në News 24 arsyet që e shtynë të shkruante statusin ku i drejtohej Berishës me fjalët “turp të të vijë” për manipulimet që nuk parandaloi në Forumin Rinor të PD-së.
Ajo u shpreh se Berisha i kishte premtuar se do ta kthente PD-në në konservatore, por nuk bëri asgjë për ato që ndodhën gjatë votimeve në strukturat drejtuese.
Ku po çalon rithemelimi i PD?
Zheji: Deklarata e Kokalarit ishte një rrufe në qiell të kthjellët. Zonja nuk ka pasur filtra në komunikimin e saj, ka qenë e drejtpërdrejte. Betejën e saj ajo e ka pasur me forumin rinor të PD-së, që si një klan kanë kapur poste të rëndësishme në Këshillin Kombëtar dhe Kryesi.
Është një plejadë e re, por që sipas Kokalarit veprojnë me metoda të vjetra. Është për tu përshëndetur guximi i Kokalarit që i ka ezauruar të gjitha shkallët e hierarkisë. Këtu ka një gjë, zonja Kokalari ka dalë në disa raunde debatesh televizive. Ka disa kundërshti apo aluzione të helmuara sepse mendohet që ajo tani nuk është më thjesht pjesë e ndërgjegjes së konservatorëve demokratë, por aluzioni është sikur po luan për Qeverinë.
Pse e kritikoni Berishën sot? Ku po çalon rithemelimi i PD?
Kokalari: kritika është gjithçka dhe të dalësh kundër është diçka tjetër. Unë nuk i kam dalë kundër Berishës, por e kam kritikuar që kanë lënë të ndodhin disa gjëra nën hundën e tij dhe ai nuk i ka ndaluar. Ne e kemi paralajmëruar për gjëra që po ndodhnin. Dalja ime në krah të tij i solli shumë njerëz dhe ngriti shpresën në PD. Berisha këtë shfrytëzoi. Berisha më premtoi që çfarëdo që të bëja unë, ishte premtimi për kthimin e PD-së në parti konservatore. Berisha mori këdo që i doli në krah dhe fatkeqësisht mes tyre kishte disa persona që i besonte.
Problemi ishte se disa nga këta persona ishin pjesë e grupit të Bashës që kishin bërë manipulimet me të në të gjitha garat që kishte bërë Basha. Nëse ti sjell një PD të rithemeluar dhe ata vazhdojnë me zakonet e vjetra, PD nuk rithemelohet. Ky ka qenë konflikti bazë. Kritika ime nuk është se i dola kundër Berishës, por e kritikova pasi u lodha duke i thënë “ti nuk mund ta bësh një PD me këta njerëz që kanë manipuluar me Bashën”. i tregova manipulimet dhe prapë nuk bëri gjë. Këtu është një luftë mes mentalitetit të vjetër dhe mentalitetit të ri. Nuk mund të bëja indiferenten kur dija se çfarë ndodhi me Kryesinë dhe Këshillin Kombëtar. Ajo shprehja “turp të të vijë Sali Berisha” më doli nga shpirti. Berisha ishte shpresa e fundit.
Jeni penduar për atë që shkruajtët?
Kokalari: Nuk jam penduar. Këtë luftë e kam nisur që në maj kur isha në Shqipëri. Berisha më është gjendur për të parë votat. Ajo që më ka penduar ka qenë Albana Vokshi.
Kokalari tha se personi që e ka kryer këtë është Belind këlliçi pasi sipas saj arsye ka qenë ekspozimi që ajo i ka bërë këtij të fundit.
Sakaq, Kokalari shtoi se një person ka marrë pjesë në ‘goditjet’ ndaj saj ndërsa tha se “është një bombë skandaloze” dhe se “Berisha ka dijeni, dhe tani po i mbushet mendja”.
“Mua nuk me tremb fakti që kam bërë një emision që ka qenë për bamirësi gjatë pandemisë. Ka qenë shumë punë. Me Erion Veliajn më ka prezantuar një gazetar. Kështu e kam njohur atë, na ka ndihmuar. Vlerësimi për Veliajn është nxjerrë nga konteksti. Këtë nuk e ka bërë Berisha, këto ndodhin gjithë kohën në Shqipëri. Unë nuk kam frikë nga këto. Dikush më shkruante se jam socialiste se pashë një emision politik. Në foltore ka pasur militantë por edhe njerëz që kanë dashur të bëjnë një ndryshim.
Këtë video e ka nxjerrë Belind Këlliçi, kjo ka dalë që kur unë e kam ekspozuar atë. Këtë e ka nxjerrë Gent Sejko që sillet si konservator që më ka sulmuar që në fillim. Më treguan një foto që Sejko ishte ulur në kafe me personat e Lulzim Bashës. Këto kanë qenë komplet të përqëndruara kundrejt Berishës dhe meqë unë isha aty. Këta të Belind Këlliçit që kanë lidhje me Bashën ende. Nuk mund ta them akoma kush është por është një bombë skandaloze. I kam thënë Berishës dhe besoj se po i mbushet mendja. Nuk e publikoj sepse nuk jam gati, jam 85% e sigurtë për këtë. Janë persona që unë i njoh dhe i respektoj por do i ekspozoj duke i bërë nder shqiptarëve. Kur të jem gati do ta publikoj. Berisha duhet të pastrojë PD-në. Po fituan republikanët i jepet një dorë doktorit. Enno Bozdo nuk duhet në kryesinë e PD, ai vegjeton. Ky flet gjuhën e vetë e ka në rregull”, u shpreh Kokalari.
Po ashtu Kokalari foli për Belind Këlliçin për të cilin tha se ai nuk do kandidojë për bashkinë e Tiranës dhe se deklaratat që ajo është xheloze për të janë komike dhe pafytyrësi nga ana e tij.
“Kam besim te Flamur Noka që ka një lloj burrërie ndërsa Këlliçi nuk e ka. E di besimin që ka Berisha te Albana Vokshi dhe Flamur Noka. Më pëlqen personaliteti i Vokshit dhe Berishës i duhet një person si ajo pranë por problemi është se ajo nuk është votuar kurrë, ndërsa te Noka ende kam shpresë.
Nuk them që çdo gjë të varet te ai por besoj se mund ta çojë PD-në aty ku duhet. Ai nuk punon për të hequr Berishën dhe për t’u bërë kryetar. Ka disa gjëra me të cilat nuk jam dakord që kanë ndodhur më Albanën. Kjo është një parti që duhet të kthehet në një opozitë të fortë, një institucion që i përgjigjet popullit. Duhet të mbajmë fjalën e dhënë qytetarëve. Rama do iki në një pikë, do e marrim për pak , por nuk vjen kështu ndryshimi. Nëse PD është një lëmsh, PS është komplet e ikur. Këlliçi ka thënë që jam xheloze për të, ai ka pafytyrësinë që ta thotë këtë. Ai nuk do kandidojë për Tiranën. Është komike”, tha Kokalari.
360grade.al
