Ambasadorja e SHBA, Yuri Kim ka zhvilluar këtë të premte një takim me kryeministrin Rama dhe ministrin e Mbrojtjes, Niko Peleshi.
Në një postim në Twitter, Kim bën me dije se takimi u zhvillua për të shqyrtuar progresin dhe për të forcuar bashkëpunimin SHBA-Shqipëri në fushën e mbrojtjes.
“Faleminderit kryeministrit Edi Rama, ministrit të Mbrojtjes Niko Peleshi dhe Shefit të Mbrojtjes Gjeneral Kingji për një takim produktiv këtë mëngjes për të shqyrtuar progresin historik për të forcuar bashkëpunimin në mbrojtje. 2022 shënon vitin e pranisë së parë të qëndrueshme ushtarake në Shqipëri.
Ne mezi presim të punojmë ngushtë me Shqipërinë në 2023 për të siguruar që mbështetja e SHBA për trajnime dhe pajisje të plotësojë nevojat e Shqipërisë, si dhe kërkesat e aftësive dhe ndërveprueshmërisë së NATO-s. Gjithashtu mezi presim “DefenderEurope2023”. Jemi krenarë që jemi gjithmonë krah për krah”, u shpreh Kim.
