Irani ka shpeshtuar sulmet kibernetike kundër Izraelit.
Me 200 përpjekje çdo muaj, fushata vlerësohet tepër agresive. Vetëm vitin e kaluar drejtoria kombëtare kibernetike në Izrael shmangu mëse 1 mijë sulme masive, ndaj u ideua një kupolë kibernetike, i ngjashëm me modelin e mbrojtëses së hekurt që intercepton sulmet me raketa mbi Izrael.
Përmes një portali publik, drejtoria kombëtare kibernetike izraelite do të sigurojë falas mjetet dhe shërbimet për organizatat që kualifikohen për të qenë pjesë e sistemit të ndarjes së rrjetit të alarmeve dhe informatave. Një kupolë të tillë Izraeli ia ka premtuar edhe Shqipërisë.
E di se kryeministri i Shqipërisë po e merr këtë çështje shumë seriozisht. Nuk mund t’ju them me shume për këtë për momentin, por e rëndësishme është qe kjo është gjithandej. E dini ju si na erdhi ne në Izrael kjo ide? E dini që Izraeli ishte i pari në vitin 2002 vendosi të hapte Autoritetin Kombëtar të sigurisë kibernetike e cila nisi punën nen ombrellën e shërbimit inteligjent Shin Bet. Unë e them me shaka që puna nisi si në filmin ‘Die Hard’ me Bruce Willis. Dhe atëherë thamë: dëgjoni sot është në filma, por më vonë do jetë realitet. Suksesi me i madh i Izraelit është se kryeministri Netanajhu pranoi këtë ide dhe nisi të investojë. Kushton shumë dhe nëse nuk jemi gati të investoni, pastaj mos u habisni që ju ndodh si në Shqipëri”– u shpreh Rami Efrat, ekspert i strategjisë kibernetike,
Beer sheva, qyteti biblik është kthyer sot në kryeqytetin teknologjik të izraelit, ku ndodhet qendra e emergjencave dhe kundërpërgjigjes kibernetike për civilët. Vjet u sinjalizuan mbi 9 mijë sulme të mëdha në numrin 119
“Në të kaluarën duhet të kishte thika apo shpatë më të mprehtë për të shkaktuar sa më shumë dëme fizike. Lufta kibernetike ndryshoi rregullat. Mjafton një sistem i vjetruar antivirusi. Çdo gjë që mund të sulmohet, do sulmohet”– shprehet Erez Tidhar, drejtor ekzekutiv i CERT INCD.
“41% e investimeve të firmave të sigurisë kibernetike nëpër botë u bënë në Izrael gjatë vitit 2021. Ne e lidhim industrinë me universitetet. 10 vjet më parë e kuptuam se donim që Izraeli të ishte lider në sigurinë kibernetike akademike dhe u hapën laboratorë kudo“- thotë Daniel Martin, Drejtor i Komunitetit inovativ kibernetik, Izrael.
Në Beer Sheva janë vendosur 80 kompani, mbi 3 mijë inxhinierë. Funksionojnë disa zyra që janë përgjegjëse për sigurinë kibernetike të secilës ministri, 3 laboratorë kërkimor kibernetikë, madje edhe shkolla për të rinj që përgatit kadetë ekspertë në këtë fushë për forcat izraelite të mbrojtjes.
Top Channel
