Ish-kryeministri Sali Berisha është shprehur se nëse fiton zgjedhjet përballë kryeministrit Edi Rama, atëherë do të ketë edhe një votim të dytë për emrin e kryeministrit.
Komentet Berisha i bëri gjatë një interviste në Syri TV, ku tha se ai do të kërkojë mendimin e shqiptarëve nëse do të mbajë postin e kryeministrit nëse fiton zgjedhjet, ose jo.
Berisha foli edhe për emrin e kreut të Grupit Parlamentar të PD-së, për të cilin tha se do të bëhet i ditur në takimet pasardhëse mes deputetëve dhe do të zgjidhet nga vetë deputetët.
“Kur Sali Berisha të fitojë zgjedhjet, do ketë një votë të dytë për kryeministër. Pastaj nëse e votojnë shqiptarët… Duke patur parasysh se ekziston ky problem, unë do pyes qytetarët shqiptarë. Po fitova zgjedhejt.. 100 % që do i fitoj zgjedhjet. Po të ngrihemi ne në një lëvizje të qëndrueshme, Rama ia mbath si Arben Ahmetaj. Kryetari i Grupit Parlamentar të Partisë Demokratike do të përcaktohet në takimet progressive të ardhshme. Kryetarin e Grupit Parlamentar do e zgjedhin deputetët e PD. Do vijojnë takimet, kanë një pozitivitet të padiskutueshëm”, është shprehur Berisha.
