Ish-presidenti i SHBA-së, Barack Obama qëndroi për disa orë Shtëpinë e Bardhë ku vizitoi Joe Biden. Obama është shprehur më herët se gara e dytë mes Trump dhe Biden do të jetë tepër e afërt dhe se zgjedhjet e nëntorit të vitit 2024 do të shënojnë një moment të rëndësishëm për botën.
Biden dhe Obama, së bashku me ish-kryetaren e Dhomës së Përfaqësuesve, Nancy Pelosi, morën pjesë në një thirrje organizuese në rezidencën e Shtëpisë së Bardhë.
“Ne kemi mundësinë të bëjmë edhe më shumë, por kjo ndodh vetëm nëse i kthejmë Joe dhe Kamala në Shtëpinë e Bardhë në nëntor.
Pra, ne duhet të vazhdojmë të punojmë,” u shpreh Obama gjatë mesazhit të tij në një video. Obama dhe Biden kanë kontakte të vazhdueshme me njëri-tjetrin dhe ish-presidenti ka shprehur haptas mbështetjen për Biden.
Angazhimi i tij me fushatën e Biden pritet të intensifikohet ndërsa intensiteti i përgatitjeve për zgjedhjet e përgjithshme është rritur dhe po punohet për rindërtimin e koalicionit fitues që i solli fitoren Biden në 2020-ën.
Të enjten Obama, Biden dhe ish-presidenti Bill Clinton të takohen ku do të bëjnë thirrje në mbledhjen e fondeve për fushatën në kuadër të rizgjedhjes së Biden në krye të Shtëpisë së Bardhë.
Jim Messina, menaxheri i fushatës së Obamës në vitin 2012, i cili ka shërbyer si këshilltar i ngushtë i fushatës së rizgjedhjes së Biden, tha për CNN se ish-shefi i tij planifikon të bëjë gjithçka që mundet për të ndihmuar Biden të sigurojë një mandat të dytë në Shtëpinë e Bardhë.
Ky mision, tha Messina, është bërë dukshëm më urgjent nga shfaqja e Trump si kandidati kryesor republikan.
360grade.al
