Katari i ka bërë thirrje komunitetit ndërkombëtar që të parandalojë një “gjenocid” në Rafah pas kapjes nga Izraeli të kufirit mes Gazës dhe Egjiptit dhe kërcënimeve për një sulm në shkallë të gjerë.
Në një deklaratë, Katari, i cili ka ndërmjetësuar mes Izraelit dhe grupit militant Hamas , bëri thirrje “për veprim urgjent ndërkombëtar për të parandaluar pushtimin e qytetit dhe kryerjen e një krimi gjenocidal”.
Sipas AFP, Izraeli goditi objektivat në Rripin e Gazës të mërkurën pasi pushtoi pikën kryesore kufitare me Egjiptin. Izraeli është zotuar për javë të tëra të nisë një operacion tokësor në Rafah, pavarësisht nga një zhurmë e kundërshtimeve ndërkombëtare.
