Ashtu siç kishte paralajmëruar më herët, Inspektorati Kombëtar për Mbrojtjen e Territorit ka nisur sot prishjen e ndërtesave në Velipojë.
Por gjatë aksionit, banorët vendas kanë dalë kundër shkatërrimit të objekteve në pronësi të tyre.
Pas rezistencës së banorëve për të mos lejuar shembjen e subjektit, IKMT me ndihmën e policisë dhe FNSH-së ka mundur të ndërhyjë dhe të rrëzojë ndërtesat.
Për shpërndarjen e qytetarëve, autoritetet kanë përdorur gaz lotsjellës. Policia kërkon që banorët të largohen që të bëhet ndërhyrja.
“Jemi kundër prishjes së ndërtesave tona. Duam vendimin që shprehet për shembjen e objekteve tona”, thonë banorët./ Opinion.al
