Këshilltari presidencial ukrainas, Mykhailo Podoliak hodhi poshtë sot përpjekjet e Vatikanit për të ndërmjetësuar mes Ukrainës dhe Rusisë, duke thënë se Papa Françesku është “pro-rus”. Prej muajsh Vatikani po përpiqet të nisë bisedimet mes dy vendeve me ndihmën e një këshilltari special.
Podoliak i referohej një deklarate që Papa bëri në një fjalim në fund të gushtit. Më 25 gusht, duke iu drejtuar të rinjve katolikë të Rusisë, Françesku iu referua carëve Pjetri I dhe Katerina II – që të dy zgjeruan territoret ruse në atë kohë – dhe i tha auditorit të tij se ata janë trashëgimtarët e “një perandorie të madhe ruse.”
Kjo deklaratë shkaktoi një ‘lumë’ reagimesh në Ukrainë. Pas reagimit të ashpër, Papa tha se ai i referohej kulturës ruse, jo politikës së Moskës kur foli për “Rusinë e madhe”.
“Nuk ka kuptim të flasim për ndërmjetësimin e Papës kur ai merr një pozicion pro-rus që është i dukshëm për të gjithë,” tha këshilltari presidencial Volodymyr Zelensky.
Ai theksoi se kjo deklaratë kishte një efekt “jashtëzakonisht negativ” në luftë, duke shtuar: “Ne nuk po marrim nga Vatikani një vlerësim të drejtë për këtë mënyrë lufte dhe sjelljeje”.
360grade.al
