Nga Dr. Diana Skrapari
Dëshpërimi çon nganjëherë njerëzit të bëjnë zgjedhje të këqija. Ata kërkojnë të shohin një dritë shprese dhe të dalin nga tuneli i errët në të cilin ndihen të pashpresë. Atyre ju premtohet hëna dhe magjepsen nga shitësit e ëndrrave. Ata besojnë se jeta e tyre nuk do të jetë një fund i vdekur dhe dikush që i bën ata të ëndërrojnë me premtime boshe, do të ndryshojë tërësisht jetën e tyre.
Por ata e kanë gabim. Një shprehje thotë “Të biesh nga shiu në breshër”.
Gjatë Luftës së Parë Botërore, Europa ka pësuar humbje në qenie njerëzore dhe fushat e fshatrave evropiane ishin të mbuluara me gjak. Situata u përkeqësua pas Krashit të bursave të vitit 1929. Dëshpërimi çoi gjermanët të zgjidhnin dhe të sillnin në pushtet në vitin 1933, Adolf Hitlerin dhe ky ishte fillimi i Rajhut të Tretë, fillimi i dërgimit të hebrenjve në kampet e përqendrimit, turpi më i madh në ndërgjegjen e njerëzimit.
Lufta e Dytë Botërore ishte shkatërruese, por ajo që pasoi ishte shumë më e vështirë. Perdja e hekurt ra në të gjithë kontinentin. Evropa Perëndimore u përpoq të ndërtojë një bashkim të shteteve evropiane të bazuar në vlera të tilla si demokracia, respektimi i të drejtave të njeriut dhe liria.
Ndërsa, në Evropën Lindore, u mohua ekzistenca njerëzve duke i transformuar në robotë. Komunizmi donte të krijonte njeriun e ri pa ndërgjegje dhe shpirt, por që iu bindej vetëm parimeve të komunizmit. Burgjet ishin ferr për kundërshtarët e regjimit që pësuan keqtrajtime monstruoze. Lufta e klasave e frymëzuar nga Karl Marks, lufta kundër borgjezisë dhe përmbysja e saj nga proletariati shkatërroi shpirtin e shoqërisë: babai mohoi djalin e tij; motra nuk fliste me vëllanë e saj, çifte u ndanë pas shumë vitesh martese dhe të gjitha në emër të biografisë së keqe që kishin ata që guxonin të kundërshtonin regjimin.
Shoqëria komuniste ishte një shoqëri në të cilën çdo gjest, çdo fjalë i raportohej Shërbimeve Sekrete dhe ne kishim frikë edhe nga hija jonë. Edhe ajri që thithnim, na mbyste!
Kulti i individit dhe Udhëheqësi i Madh komunist kishin zëvendësuar Zotin dhe ai ishte i gjithëpushtetshëm dhe mund të ngrinte spektrin për të na dhënë të drejtën për të jetuar ose për të dhënë urdhërin për të na vrarë!
Fjalët e ish-Presidentit të Çekosllovakisë, Vaclav Havel, përkufizojnë më mirë regjimin komunist në Evropën Lindore: “Një jetë në një mjedis moral të kalbur ku fjalët si dashuri, miqësi, dhembshuri, modesti dhe falje kishin humbur kuptimin e tyre”.
Rënia e Murit të Berlinit në Europën Lindore ishte fillimi i rënies së komunizmit dhe kontinenti i vjetër ka gjetur paqen. Vendet e Evropës Lindore dhe Qendrore, përfshirë Qipron, u bashkuan me Bashkimin Evropian në vitin 2004. Ëndrra e etërve të BE-së, Robert Schuman dhe Jean Monnet, ishte të ndërtonte një kontinent midis vendeve të Evropës bazuar në moton e Republikës Franceze: “Liri, Barazi, Vëllazëri “.
Sot ne për fat të keq shohim një kontinent të dobësuar nga kriza financiare,nga kriza e refugjatëve, por mbi të gjitha është një krizë identiteti. Ringjallja e nacionalizmit dhe dëshira për të dominuar kontinentin janë elemente që mund të prishin projektin evropian të etërve themelues. Flamujt me kryqin e thyer dhe flamujt e kuq me drapër dhe çekan janë si një shpatë e Demokleut mbi kokën e së ardhmes së Evropës.
Ndonjëherë mund të pyesim: Çfarë është historia? Pse ne nuk nxjerrim mësime nga gabimet e paraardhësve tanë dhe ne bëjmë të njëjtat gabime, madje edhe më të mëdha? Viktimat e kampeve të përqendrimit dhe të gulagëve të ftohtë na tregojnë se nazismi dhe komunizmi ishin dy nga plagët më të mëdha të njerëzimit gjatë shekullit të 20-të dhe njerëzit nostalgjikë për to vetëm duan të ringjallin periudhat e historisë që sollën shkatërrime dhe vuajtje.
Mos bëni zgjedhje të dëshpëruara në momentet e dëshpërimit! E keqja kurrë nuk sjell dobi dhe ne kemi përjetuar tashmë atë, dhe ne kemi korrur fryte të hidhura; mos të besojmë më në premtimet boshe të atyre që kanë urrejtje në zemrat e tyre, sepse ne do të biem nga shiu në breshër dhe do të prishim jetën tonë të tanishme dhe do të shkatërrojmë të ardhmen e brezave që do të vijnë!
