Harxhimi i parave kolosale për dy institucione të diktaturës, shitja e lulishteve të ministrive dhe kryeministrisë si të ishin Central Park, rikthimi i figurës së Enver Hoxhës në hapësirën publike, shndërrimi i qeverisë në shoqëri civile pjesëmarrëse nëpër konferenca pa fund, tenderë me miliarda lekë, paketa shëndetësore që nuk i shpaketon dot, testime pa kriter, punësimi i personave me precedentë penale, e shumë e shumë veprimtari të tjera, nuk shpërfaqin ndonjë ndryshim rrënjësor në jetën e qytetarit, që e di me saktësi se sot po paguan më shumë para për faturën e energjisë elektrike, po paguan më shumë para si tatim fitimi, etj. etj.
