Sipas nje njoftimi te Levizja Vetevendosje të lënduarit prej përdorimit te forcës së qindra policëve kundër aktivistëve të VETËVENDOSJE!-s ka shkaktuar dhjetëra të lënduar. Â Sipas raportimeve VV Â dhuna ka vazhduar edhe në ambientet ku janë mbajtur aktivistët e arrestuar për qëndrimet e tyre politike. VV thote se të lënduarit dhe të plagosurit prej ushtrimit paprecedent të dhunës policore janë me dhjetëra. Më poshtë ne po publikojmë emrat për të cilët tashmë kemi konfirmim. Njoftimi i VV vazhdon duke thene se ndër fytyrat e policëve të fotografuar kemi parë edhe disa prej zyrtarëve policorë të njohur edhe më parë për sadizmin dhe ndjenjën e hakmarrjes ndaj aktivistëve.
Sipas VV të lënduarit: Sami Kurteshi, ish-avokat i popullit, anëtar i Lëvizjes VETËVENDOSJE! është rrahur, është shkelmuar e shkelur prej policisë ndërkohë që rrinte ulur në rrugë, i lënduar rëndë në brinjë. Gani Krasniqi, aktivist i çështjes kombëtare, i burgosur politik, organizator i UÇK-së, ish-kryetari i komunës së Malishevës,është rrahur rëndë prej policisë brenda në zyrën e Lëvizjes VETËVENDOSJE! dhe i janë shkaktuar hematoma e gjakrrjedhje në fytyrë. Valdrin Ahmeti, Koordinator për Aktivitete në Lëvizjen VETËVENDOSJE! është rrahur rëndë në ambientet e policisë dhe është dërguar në emergjencë me lëndime të rënda në brinjë dhe me thyerje në trup. Frashër Krasniqi, drejtues i Sekretariatit për Media e Komunikim i Lëvizjes VETËVENDOSJE! është qëlluar me plumba gome dhe është rrahur gjatë arrestimit. Ai ka lëndime të rënda në fytyrë, pas koke, si dhe në këmbë e në trup. Kushtrim Dermaku është lënduar rëndë në kokë dhe ka përfunduar në emergjencë ku ka marrë 5 qepje. Qëndrim Sahiti është lënduar në gjymtyrë, me thyerje të eshtrave dhe ka marrë ndihmë në emergjencë.
Luan Hoti është rrahur rëndë në ambientet policore dhe ende nuk është dërguar në emergjencë. 6 aktivistë kanë marrë ndihmë deri më tani në emergjencë. 14 aktivistë janë në gjendje të rëndë brenda në ambientet policore, dhe kanë nevojë urgjente të kurohen në emergjencë.
