Nga Petrit Vargu
Sot në Q.S.U. “Nënë Tereza” u prekën nivelet më të ulta etike dhe profesionale që nga koha që unë jam mjek. Tre të rinj maltezë, të moshës 20-25 vjeç, rreshtuan mjekë dhe infermierë dhe i kontrollonin nëse i kishin apo jo duart e lara! Natyrisht, kjo ishte me urdhër nga lart. Kjo bëhej nëpërmjet një aparati me rreze UV, nga ato që përdoren për të kontrolluar nëse kartëmonedhat janë falso ose jo. Iu dhashë një këshillë vajzave nga Birkirkara e Maltës, që atë aparat ta dërgonin prapë në Maltë dhe të kontrollonin politikanët shqiptarë se mos fusnin kartëmonedha falso meqenëse Malta ruan sekretin bankar.
