Nga Mithat Havari
Ndryshe nga Ben Blushi që thotë se :”Unë nuk bëj publike biseda personale”, po bëj publike një bisedë miqēsore që Edi Rama ka zhvilluar me mua vite më parë duke më treguar një ngjarje të ndodhur në Paris kur ai ndodhej atje për punët e veta.
Ja ngjarja : Në atë kohë vazhdoi Rama , bashkia e Parisit kishte vendosur të ndërtonte një muze në një territor ku gjëndeshin disa pemë shumë vjeçare , por që të ndërtohej muzeu duheshin prere disa nga ato pemë. Bashkia paraqiti projektin në publik në mënyrë transparente në detaje , ku thuhej se , do priteshin dhe disa pemë.
Kaq u desh dhe një grup studentësh të një universiteti atje shkuan e u lidhën me litar me njëri tjetrin rreth pemëve që do priteshin .Kuptohet , media , opinioni publik bëri punën e vet , u deshën vetëm tre ditë që studentët u ngujuan aty dhe bashkia me njëherë u tërhoq nga projekti .
Nuk kishte qenë e nevojshme të dërgoheshin as polici bashkiake , e as forca speciale , ishte i mjaftueshëm reagimi studentor dhe sensibilizimi i opinionit qytetar .
Tani situata në Tiranë .Edi Rama kryeministër dhe kryetar bashkie de fakto , duke qënë i mirë informuar se ç’ndodhi me rastin e Parisit , ai vetë nuk ka ndjeshmëri ndaj shoqërisë civile që ka gati njē muaj që proteston dhe është ngujuar tek “parku i liqenit” duke kaluar dhe natën në të ftohët atje , duke përballuar dhe dhunën verbale e shtetërore mbi ta , vetëm për të mos u hedhur beton në mes të pyllit të virgjër .
Nuk ka rëndësi destinacioni Tani , ku qëndron ndryshimi midis studentëve të Parisit dhe shoqërise civile në Tiranë , bashkise së Parisit dhe kryeministrit Shqiptar së bashku me bashkinë e Tiranës ??!..
Nuk do as mënd as kalem për të përcaktuar ndryshimin . Vetëm një idiot nuk do ishte në gjëndje të bënte arsyetimin llogjik për të dy rastet identike të shprehura më sipër .Studentët Francezë nuk ishin më të kulturuar e të qytetëruar , e me të drejta në kërkesat e tyre , se shoqëria civile e Tiranës .
Ndryshimi esencial qëndron midis Bashkis së Parizit dhe bashkis së Tiranës .Ndërsa të parët respektuan zërin e studenteve duke u tërhequr nga projekti , të dytët jo vetëm nuk po tërhiqen , por po ushtrojnë dhunë verbale e fizike me forca të policisë bashkiake dhe ato të rendit ndaj këtij grupimi prej më shumë se një muaji , vetëm për të çuar deri në fund fudullëkun dhe megallomaninë e tyre prej “të fortit të pushtetit” !
