Nga Mentor Kikia
Kam qenë gjithmonë kritik me cdo qeveri, dhe bindja ime se me e keqja s’ka ardhur akoma, më është përforcuar. Por kam arritur në një tjetër përfundim. Që të gjitha cna kanë bërë e na bëjnë, i kemi hak.
Kam takuar këto javët e fundit shumë njerëz nëpër qytete e fshatra. Kam dëgjuar njerëz të pakënqur, qe vetëm shajnë. “Kishim një kryetar komune- tregoi njëri- që tre herë na gënjeu për ujësjellësin. Madje i solli edhe tubat njëherë dhe i mori prapë dhe nuk dimë nga i coi”.
-Po ju e votuat prapë, besoj.
– Po po e votuam, se e kishim tonin. Pastaj na u lut dhe ai deputeti i zonës, se ka ca njerëz të vet këtu.
Mrekulli, po tani cfarë doni? Ujësjellës prapë, besoj ë?
Këta janë shqiptarët. Këta janë njerëzit më të nënshtruar në botë. I vjedh, i shtyp, i rrjep, u rrit taksat, u vendos tarifë edhe kur të marrin frymë, edhe kur lindin edhe kur vdesin, dhe nuk ndjehen.
Ah, po, tek klubi i lagjes dhe fshatit të bëjnë gjëmën. Një kafe, dhe tekje pas tekjeje, deri tek dopja e tretë, i bëjmë të gjitha.
Po në mëngjes tek Bashkim Hoxha qe lexon gazetat? Atje zbrazen të gjitha ankesat. Për papunësinë, për vendime gjykatash, per rrugë, ujë, fatura e dritave, lejet e ndërtimit, taksat që si përballon, telefonojnë e zbrazen te gjithe, dhe Bashkimi i thotë: “Po zotëri keni të drejtë. Tjetri….
Dhe thonë se ka faj qeveria? Unë them jo. Fajin e kemi vete ne.
