Policia italiane është vënë në kërkim të një shqiptari që akuzohet për përdhunimin e një 17 vjeçareje italiane.
Mësohet se shqiptari e ka përdhunuar vajzën minorene në tualetin e një diskoteke. E gjithë skena është xhiruar nga mikeshat e vajzës në telefon dhe u shpërnda në çast përmes Whatsapit.
Vajzat e tjera që ishin dëshmitare nuk e kuptuan në moment se mikesha e tyre po përdhunohej, çka shpjegon edhe disa të qeshura që dëgjohen në video, thanë karabinierët italianë.
Mediat italiane shkruajnë se viktima 17 – vjeçare, e pyetur nga policia, tha se nuk mbante mend asgjë pasi kishte konsumuar shumë alkool.
Prokuroria e Riminit hapi menjëherë hetimet dhe bllokoi shpërndarjen e videos. Ndërsa shqiptari ndodhet në arrati.
