Gazeta britanike ‘The Guardian’ shkruan se ishte senatori veteran John McCain ai që i ka dorëzuar FBI-së dosjen me materiale për marrëdhëniet e presidentit të zgjedhur Donald Trump me Moskën dhe ndikimin e Shërbimeve Inteligjente të Rusisë në zgjedhjet e SHBA-së.
Sipas kësaj gazete, republikani McCain ka zhvilluar një bisedë kokë më kokë më 9 dhjetor me James Comey, kreun e FBI-së, të cilit i ka dorëzuar këto dokumenta të sigurua nga një ish-agjent i një prej shërbimeve inteligjente të perëndimit.
McCain, ish-kandidat për president, mësohet se nuk ka arritur të konfirmojë vërtetësinë e dokumentave, por besueshmëria dhe rëndësia që ka personi që ia dorëzoi ato, e kanë detyruar 80 vjeçarin të njoftojë FBI-në.
